شخابيط ع الحيط .. 13
أستاذ بهلوان ..
بصفتك إنسان ..
مش عاطي لحد الأمان ..
و من غدر البشر تعبان ..
أستاذ بهلوان ..
رد على و بلاش سهتان ..
أو ريح نفسك و طلع بألاعيبهم بيان ..
و بلاش تعمم ده الفرق بين صوابع إيدك الواحدة شتان
حاسب تقع يا شاطر ..
و يمنعوك بعد كده تروح القناطر..
يمسكوها لك ذلة و ما تعرفش تقولهم غير حاضر ..
قادر كريم يرحمك منهم ..
استر منهم يا ساتر ..
من سابع سما ..
لسابع أرض ..
طالع نازل ..
لا بيتعب و لا بيتهد ..
و ماسك في الدنيا و نازل شد ..
يكونش فاكر نفسه واخد عليها عهد ..
و يقول الهمة ..
و هأخدها جد الجد
اتنططوا اتنططوا ..
.بكرة قريب و فيه هتتبططوا ..
ساعتهاع ايد ناس كتير هتظبطوا ..
و تلاقوا كل اموركوا اتلغبطوا ..
و الدنيا تبدهل فيكم و لا تقدروا في يوم تنطقوا
ليه بقيت بخاف أفرح ..
و لا استنى شجرة للخير تطرح ..
و ماعدش يفرق معايا أنجح ..
ابص للدنيا..
منها و أفضل متنح ..
بقيت بأي رأي أسمح ..
نفسي أتسدت و ماعدتش تحاول تفلح
أول شخابيط في 2010
يارب تعجبكم .. تحيتي لكم
آية :)
4 comments:
هو الكلام جميل جدا بس ليه التشائم اللي فيه أوي ده
gamda gden begad
إيجو .. مش كل الدنيا حلوة و مش كلها وحشة
زي مش كلها علطول تفاؤل
:)
ميس .. تسلمي :)
إرسال تعليق