topbella

السبت، 13 مارس، 2010

لهذا أنا أحـ♥ـب هندسة


لهذا أنا أحــب هندسة
زي ما الكل عارف أساس هندسة دراسة الرياضيات


لو إعتبرنا أنه حياة البني آدم بتبدأ جوا أوضة فيها عدد لا محدود من الأبواب و ورا كل باب عوالم أخرى بحلوها و وحشها .. هي بتخليك تقدر تشوف الأبواب دي كويس و تكون فكرة مبدئية عن كونها كويسة لك و لا لأ


بعد ما عرفت الأبواب و حددت موقفك منهم .. بتدأيك جرأة فظيعة انه تفتحها و تغامر
في الرياضيات لما بنجب نحل كتير بنبقى مش عارفين هنعمل ايه اول ما بنبدأ .. بس بنبدأ و ربنا بيسهلها


بعد ما بنحل معرضين جداً بعد وقت مش قليل يطلع اللي عملته في الهوا .. و لا زم ترجع تبدأ من الأول تاني
يعني لو جوه الأوضة طلع مش يناسبك او طلع طريق مسدود .. عادي جداً . الأوض كتير و الطرق أكتر


عندنا مافيش حاجة ملهاش حل .. غير ظروف تفكيرك و موضع التفكير و ياريت كمان تغير المود معاهم .. هتلاقي حل
مشاكل الحياة بتتحل كده برضوا .


كل حاجة ليها عدد كبير من الحلول و الإحتمالات .. لكل في الحل الذكي و الإحتمال الأمهر ... دول بيجوا من الخبرة .


دايماً عندنا كلمتين , بما أن و إذن .. كل حاجة و وراها سبب .. ما فيش حاجة تعدي إعتباطاً كده .


مشاكل البناء بكل أنواعها .. بيبقى ليها سبب واضح و قوي .. بنطلعه و نعالجه او نحاول نتفاداه من الأول
من الآخر مش نعامة بتدفن رأسها في الرمل و لا كائن لا مبالي و بيقول انا مالي .


عالم لامحدود و لا مقيد سواء في الخيال أول العقل .


لهذا أنا أحــب هندسة
و فخورة إني مشروع مهندسة

:-)

4 comments:

سمو الامير يقول...

كلام جميل جدااا

أنا باحب الهندسة لأنها علمتني إن مفيش مشكلة من غير حل

وإن أنا دايما أدامي اختيارت لازم اعمل Optmization عشان اوصل لافضل الحلول باعلي مكسب واقل خسارة

علمتني إني ممكن أكون عامل كل حاجة صح وفجأة المشروع يفشل لسبب غير معروف عشان كده لازم اكون حاطط أدامي احتمال الفشل دايما واكون مستعد ليه

علمتني استخدم عقلي وافكر في الحاجات اللى حواليا

علمتني ازاي بامكانيات محدودة اقدر انفذ اللى عاوزه

علمتني حاجات كتيرة أوي فعلا

تحياتي :)

أحمد فـــارس يقول...

تسلمي يا باشمهندسه
نظريه عظيمة .. كمان الرياضيات يمكن ان تقيس بها كافة العلوم يعني اي شئ في الدنيا دي غير مطلق ونسبي بالرياضيات نقدر نقيسه ونحدده
مش اخر زياره ليا ان شاء الله
مواضيعك رائعه

Aiaa يقول...

سمو الأمير .. فعلاً بتعلم حاجات كتير أوي

و اغلب المهندسين مدينين ليها بكتير

شكراً جداً ليك
:)

Aiaa يقول...

أحمد .. ميرسي كتير
يــارب دايماً تعجبك
:)

إرسال تعليق