topbella

الاثنين، 10 يناير، 2011

الأشخاص الــVaccination ـ


~


بنفس فكرة التطعيم اللي بنأخده و إحنا أطفال

بيتفضل ماشية بعد كدا طول حياة البني آدم


من مواقف ، و أحداث ، و أشخاص


المواقف و الأحداث

بتكون واقفة على عوامل كتير

يعني في الأول و الآخر ..

غير متعمدة



الأشخاص بقى

بيكونوا غالباً متعمدين

و مواقفهم ، مع سبق الإصرار و الترصد


متربصين بيك

و استقطعوا وقت من حياتهم يدوروا وراك

اسمك بيتحشر - بالسلب- في أحاديثهم من غير سبب

فعلك .. بيتحلل لـِ 100 قطعة

بيحطوا إفتراضات تخصك .. و كلها مش لطيفة

كل شئ مؤذي مش بيتأخروا عنك فيه



عاملين بالظبط زي البكتيريا و الفيروسات

عايزة تنتشر في كل كيانك

عايزة تأخد من روحك

عايزاك تتوه عن نفسك



مع انه ممكن جداً

تحولهم بمنتهى البساطة لـِ فاكسنشين

هيتعبك في الأول آه

هتسخن .. إحتمال

لمدة كام ساعة بس

و بعدها هما هيكونوا سبب

أنك بقيت أقوى ، و أحسن


--------


فلذلك


السادة اللطاف

متخصصى التنغيص علىّ في حياتي ..

شكراً بجد ..

بتعلم بسببكم أكون

" أقوى ، أحسن ، أرقى " .

تشكرات من كل قلبي .



~


آية الملواني

10/1/2011

1 comments:

fOsDö2ä يقول...

سلام عليكم و رحمة الله و بركاته
عجبتني أوي الفكرة - كالعاده - ماشاء الله :)
و كلام واقعي جداً ...
بس هي المشكلة فـ السايد إيفيكت الأولاني ...
في ناس مش بتقدر تتحملة و بتفضل عيانه بيه و ممكن - للأسف - تتحول لـ اسوأ ... !!
الموضوع بـ يرجع لـ انه عايز مناعه قوية ... :)

يارب مناعتنا تقوى كل يوم أكتر مـ اللي قبله .. و نستفيد من الأشخاص الـ فاكسينيشن ... :)

تسلم ايدك يا جميل .. و يارب تفضلي دايماً رمز للتفاؤل كده و تعدينا ... :)

إرسال تعليق