topbella

السبت، 12 ديسمبر، 2009

شخابيط ع الحيط .. 5


شخابيط ع الحيط .. 5


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


مع أني بموت في البغبغان ...
في صنف كده من بني الإنسان ..
أستاذة في ترديد الكلام ..
من غير لا فهم و لا استبيان ..
ماتعرفش تفرق بينهم و بين البغبغان ..
روحوا حرام عليكم هتكرهوني في البغبغان


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


بيقولوا متعلمين ..
و كمان متنورين ..
وفي كل حاجة فاهمين ..
مادام كده ..
ما حد يفهمني ..
ليه عندنا ارتفاع كبير في نسبة الطراطير .. !!!



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


جسم شاب بعمر راجل شعره شاب .. و
راجل شعره شاب بعمر شاب ..
و بالنسبة لي ما في عجب ..
صندوق الدنيا عمره ما كان عليه عتب



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


صوتي اتنبح من كتر الكلام ..
كأني بتتكلم و الناس نيام ..
أو ع منبر ببلاد بعيدة موجودة بس في الأحلام ..
و دلوقتي ماعدش عندي كلام ..
في انتظار صوتي يرجع ..
و الناس تبطل تسمع وهي بتنام



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


ضحكتك بتفرحني ..
وبشاشة وشك بتسعدني ..
و أمل ملامحك في الدنيا اكتر بيمسكني ..
ذنبي هيبقى في رقبتك لو يوم كشرت في وشي



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


آيــة

:-)

2 comments:

Hani Gamal يقول...

انتى بجد هايلة ، موهوبة ، متفائلة ، روحك جميلة و كلامك بيمس القلب

Aiaa يقول...

شكراً جداً ليك ..
:-)

إرسال تعليق