topbella

السبت، 29 مايو، 2010

شخابيط ع الحيط .. 15







شخابيط ع الحيط .. 15


••••••••••••••••••••••


واحشاني كراسة الحساب
كانت أيام صافية مافيهاش عتاب
و كانت براءة ماشافت لسه عذاب
أيام ما كان لسه بيروح النار الكداب


••••••••••••••••••••••


قهودة سادة ،
بسكر زيادة ،
حاجة ع غير العادة ،
كفاية للعادات عبادة ،
في حياتي لىّ حق القيادة ..
خلطة قالوا عليها من زمن فات
أنها سبب للسعادة


••••••••••••••••••••••

في زحمة الدنيا بتبوظ حاجات كتير ..
و في قاعدة صفا تبدأ تحس بالتقصير ..
و ترجع تفرح أوي بأنه لسه في ضمير ..
و تحاول تظبط و أملها في ربنا كبير


••••••••••••••••••••••

بتحلم ترقص من الفرح ..
و يملا حياتها سيل مرح ..
و لحاجات كتير تلاقي قلبها انشرح ..
يتحلم تلاقي كل الشجر للخير طرح ..
و اصبح للغني و الفقير حق الفرح

••••••••••••••••••••••


أنت مين ..
و فين و ليه ؟ ..
سؤال حزين ..
محدش في إجابته ليه أمين ..
كله بيدراي ع جروحه بتاديين ..
سؤال مطروح من سنين ..
و من غير إجابته هنفضل دايماً تعبانين


••••••••••••••••••••••


آية الملواني :)






1 comments:

أحمد فـــارس يقول...

دي مش مجرد شخابيط عالحيط واتكتبت
دي مشاعر واحساس بالحروف اترسمــت
----
دي لوحة رسمتها بنوتة مصرية فنانة
لكن برده بعقل مهندسة واسمها آيـه
----
وانا مهما حاولت اقول واكتب
برده أجي ايه انا جنبـــــك
بس من الاخر حبيت بس اقول تسلمي
وتسلم تدويناتك واهو كومنت وخطر على بالي

سلام يا باشمهندسة

إرسال تعليق