topbella

السبت، 1 مايو، 2010

I ♥ Me

I ♥ Me

بشوف كتير و كتير .. للأسف أول حاجة الواحد بيكرها نفسه


لو قادر تقرأ كلامي دلوقتي .. يبقى ربنا كرمك و خالاك بنى آدم
تقوم تيجي أنت تحرم نفسك من أبسط حقوقها
أنك تحبها .

لو مش بتحب نفسك .. أزاي مستني من الناس أنها تحبها .

نفسك عاملة زي طفل عنده كام سنة .. تحايله و تدلعه تأخد عينه
تقسى عليه .. هيعند عليك أو هتقهره و يسمع كلامك
و مرة في مرة هيكرهك بسبب قهرك .


نفسك عاملة زي الزرعة .. طول ما بتحبها و تهتم بيها .. طول ما بتخضر و تحلو .
سيبها كام يوم هتبدأ تصفر
شوية كمان
غالباً هتسود .



نفسك عاملة زي لوح الأزاز .. محتاجة رقة في معاملته
لأنه مع أول بوادر قسوة هيشرخ منك
و لما تزود .. هيتكسر
بس أحلى ما فيه أنه لو انكسر بيرجع يتصلح
و انت عارف أزاي .


انا مش بقول اعملوا طاوووس
بس حبوها بجد
علشان تستاهل تتحب
اتمنوا لها الخير
حتى لو بتنوى الشر
بكرا تتعدي من خيركم ده

عززوزها ..
الناس هتعززها


كرموها ..
هتعلى بيكم أكتر و أكتر


تقبلها زي ما هي ..
هتبقى زي العجينة في إيدك
و ترضى تتغير للي أنت عايزه


ببساطة و من غير كلاكيع
حبها لأنك تستاهل و هي كمان تستاهل

آية :)


12 comments:

Ahmed يقول...

ازاى تتكليمى عن واحد انتى اساسا مش عرفاه... دا ذكان انا مش عارف نفسى ولا اية اللى بيعجبها او يريحها, تيجى انتى تقولليلى حبها؟؟!!

Aiaa يقول...

أحمد
لما انت مش تعرفها .. مين المفروض يعرفها
و إذا مش كان أحمد هو اللي هيعمل اللي يريحها
مين هيعرف اللي يريحها و يعمله

لو بدأت تعرفها ، تفهمها ، تسعى للأحسن ليها
هتلاقي نفسك بتحبها من غير تعب
:)

˙·٠•●عاشقه الحب●•٠·˙ يقول...

اى نفس فى الدنيا تستاهل تتحب تعرف ليه ؟؟ عشان ربنا هو اللى خلقنا فى احسن حال ممكن نكون عليه وفضلنا على كل مخلوقات الكون بحلونا ومرنا بخيرنا وشرنا خلقنا جوانا الخير والشر الحب و الكره خلقنا نحب ككل حاجه تستاهل تتحب ونكره كل حاجه تستاهل تتكره حب نفسك وهى هتحبك وتبقو دايما احسن سوا

سورى يا ايه انى رديت على كلام موجه ليكى وتسلم ايدك

Ahmed يقول...

لو بتتكليمى عن اللى بيريحها و اللى بيعجبها, فعذابى هو اللى بيريحها,,,
احنا الاتنين عيشين على كيده مع بعض بألنا فترة, و الظاهير كده ان احنا حنكمل على كده مدة كبيرة شوية...................... و بتقوللى حبها؟؟!!

Ahmed يقول...

@٠•●عاشقه الحب●•٠·˙
تحبى انتى بأاسئلك سؤال مش حتعرفى تريدى علية؟؟؟؟
ازاى الواحد,اى واحد, يحب نفسى و هو بيشوفها كل يوم بتغلط نفس الغلطات, كل يوم تجبلو افكار ولا ليها اى لزمه غير ان هى تعذيبو؟؟؟؟

˙·٠•●الاسترخاء باخضان السكون●•٠·˙ يقول...

حبه ليها هو اللى هيساعدها تقف قدام الافكار اللى بتجيلو واى غلط بيعمله حبه ليها هو اللى هيخليها احسن انت لما بتحب حد بتعمل لمصلحته وبتخاف عليه بتنصحه وبتساعده ولو تقدر تعمل اكتر بتعمل اسالك انت سؤال ... لو انت ليك حد فى الدنيا بتحبه اوى اوى ولقيته واقف على البلكونه وبيحاول ينتحر هتعمل ايه ؟؟؟ هتسيبه ولا هتجرى عليه وتنقذه ؟؟؟ حب نفسك زى ما تحب اى حد فى الدنيا هتلاقي طريقك من غير ما تدور عليه

صدقنى والله انا عشت طول عمرى بحب نفسي وكنت رائعه وده بجد واول لما تعبت منها ووصلت لمرحله زى اللى انت فيها دي كنت بضيعها لغايه ما فوقت لنفسي تانى

صدقنى انا عيشت الفرق وياريت انت كمان تعيشه

سورى غيرت الاسم

Ahmed يقول...

بس انتى لما تكريهى حد او حاجة, كل اللى نفسك فيه ان الحد او الحاجة ده تتغير ,ولو حاجة بسيطة.....
يقريبا هو ده اللى انا محتاجه, شوية تغير
بس عرفه ده عامل زى لما بتزقى حائط, كل اللى بيحصل انك بتتخيلى انها تتحرك بس الحقيقة انها مش بتتحرك من مكانها, و الحل ان هى تتدمر

˙·٠•●الاسترخاء باخضان السكون●•٠·˙ يقول...

ده على اعتبار انك حائط ؟؟!!!

عيب في حق نفسك اعتقادك ده من الواضح انك محتاج تعيد حساباتك وتتعرف على نفسك من اول وجديد

menna ali يقول...

I ♥ Me
وبحبك انتى كمان يا ايتى ربنا يقدر ويجزاكى خير على كلامك الى بجد قيمته متتوصفش

Ahmed يقول...

و ياترى الواحد محتاج يعيد حسابته كام مرة علشان يعرف الحقيقة؟؟

Tarkieb يقول...

الكلام سهل ولكن التطبيق صعب في ناس بتعرف كلامك لكن ما تعرفشي لاتحب نفسها ولا حتى غيرها... ياريت حب الذات او حتى الانانية تكون في حدود الكونترول ماكنشي حد غلب... وياريت بقى لو بتحبي نفسك وبتحبي الناس اللي بتيجي ليكي هنا تشيلى ميزة تدقيق الكلمات من التعليق

♥ R ♥ يقول...

صح جدااااً

إرسال تعليق